Ex IPS Prabhakar Rao : ఫోన్ ట్యాపింగ్ కేసులో ప్రధాన నిందితుడిగా పేరుపడ్డ రాష్ట్ర ఇంటెలిజెన్స్ విభాగం (SIB) మాజీ చీఫ్ ప్రభాకర్ రావు(Ex IPS Prabhakar Rao), ఈ రోజు (శనివారం) ప్రత్యేక దర్యాప్తు బృందం (సిట్) విచారణకు హాజరయ్యారు. ప్రముఖుల ఫోన్ సంభాషణలను అనుమతులు లేకుండా ట్యాప్ చేశారన్న ఆరోపణలపై కొనసాగుతున్న ఈ కేసులో ఇప్పటికే ఆయనను రెండు మార్లు సిట్ అధికారులు సుదీర్ఘంగా ప్రశ్నించారు.
Ex IPS Prabhakar Rao – SIT Inquiry
ఈ నేపథ్యంలో తాజాగా మరోసారి విచారణకు హాజరు కావాలని సిట్ నోటీసులు పంపింది. ఆ నోటీసుల మేరకు ప్రభాకర్ రావు ఈ రోజు ఉదయం సిట్ ఎదుట హాజరై విచారణకు సహకరించారు. సుమారు మూడు గంటలపాటు ప్రశ్నలు ఎదుర్కొన్నట్టు సమాచారం.
ఈ కేసుకు సంబంధించి ముఖ్యమైన ఆధారాలను సేకరించేందుకు సిట్ తీవ్రంగా కృషి చేస్తోంది. విచారణలో మరింత సమాచారం వెలుగులోకి వచ్చే అవకాశాలు ఉన్నాయని అధికారులు భావిస్తున్నారు. మరోవైపు, ప్రభాకర్ రావుతో పాటు ఈ వ్యవహారంలో సంబంధమున్న మరికొంతమంది అధికారుల పేర్లు కూడా సిట్ రికార్డుల్లో ఉన్నట్టు తెలుస్తోంది.
ఈ ఘటన రాష్ట్ర రాజకీయాల్లో ఉత్కంఠ కలిగిస్తోంది. అధికార వ్యవస్థలోని కీలక వ్యక్తుల ప్రమేయంపై చర్చలు నడుస్తున్నాయి. సిట్ విచారణ మరింత గాడిలోకి వెళ్లే అవకాశం కనిపిస్తోంది.
Also Read : Yogandra 2025 Sensational : యోగంధ్రాను విజయవంతం చేయాలంటున్న డిప్యూటీ స్పీకర్ పిలుపు