Related Post
Gold : స్వర్ణాభరణాల కొనుగోలుదారులకు మళ్లీ షాక్ తగిలింది. గత కొంతకాలంగా తగ్గుతూ వచ్చిన బంగారం (Gold) ధరలు ఇప్పుడు మళ్లీ స్వల్పంగా పెరుగుతున్నాయి. అలాగే, వెండి ధరల్లోనూ ఇంతవరకు కనిపించని ఊగిసలాట కనిపిస్తోంది.
Gold – బంగారం తాజా ధరలు (జూలై 1, 2025):
హైదరాబాద్ నగరంలో నిన్నటితో పోల్చితే గ్రాముకు రూ.1 చొప్పున పెరుగుదల నమోదు కాగా, పది గ్రాముల ధర ఇలా నమోదైంది:
24 క్యారెట్లు: రూ.98,410
22 క్యారెట్లు: రూ.90,210
18 క్యారెట్లు: రూ.73,810
గత నెలలో స్వచ్ఛమైన బంగారం (24 క్యారెట్లు) ధర రూ.1 లక్షకు చేరుకొని మధ్యతరగతి కుటుంబాలపై భారం పెంచిన విషయం తెలిసిందే. అప్పటి నుంచి క్రమంగా తగ్గుతూ వచ్చిన బంగారం ధరలు మళ్లీ పెరుగుతున్న సూచనలు కనిపిస్తున్నాయి. నిపుణుల అంచనాల ప్రకారం, త్వరలోనే బంగారం మళ్లీ లక్ష రూపాయల మార్క్ను దాటవచ్చని భావిస్తున్నారు.
వెండి ధరలు కూడా పెరుగుదలతో:
బంగారం ధరలతో పాటుగా వెండి కూడా వినియోగదారులకు భారంగా మారుతోంది. హైదరాబాద్ మార్కెట్లో నిన్న కేజీ వెండి ధర రూ.1,20,000గా ఉండగా, నేడు రూ.1,20,100కి పెరిగింది. అలాగే 100 గ్రాముల వెండి ధర రూ.12,010కి చేరుకుంది. ఇది నిన్నటితో పోల్చితే రూ.10 పెరుగుదల.
బంగారం, వెండి మార్కెట్ పై ప్రభావం చూపుతున్న అంశాలు:
అంతర్జాతీయ మార్కెట్లో లాభ నష్టాలు
రూపాయి విలువలో మార్పులు
ఇరాన్-ఇజ్రాయెల్ మధ్య ఉద్రిక్తతల నేపథ్యంలో పెట్టుబడిదారుల ఆకర్షణ బంగారం వైపుగా
ఉత్పత్తి, దిగుమతి ఖర్చుల పెరుగుదల
గమనిక: పండుగలు, పెళ్లిళ్ల సీజన్ను దృష్టిలో ఉంచుకొని బంగారం కొనుగోలుపై వ్యూహాత్మక నిర్ణయం తీసుకోవాలంటున్నారు ఆర్థిక నిపుణులు. సమయాన్ని బట్టి కొనుగోలు చేయడం వల్ల ధరల భారం తగ్గే అవకాశం ఉంటుంది.
Also Read : Gold and Silver Price Hike : హఠాత్తుగా ఆకాశాన్ని అంటిన బంగారం ధరలు
